PFAS thiab Nws Qhov Kev Pheej Hmoo Rau Kev Noj Qab Haus Huv

Cov Kuab Tshuaj Txhaum Phaws Faus Aus Las Khau thiab Tshuaj Txhaum Phaws Faus Aus Las Khau (Perfluoroalkyl and Polyfluoroalkyl Substances, PFAS) yog ib pawg tshuaj khes mis uas tib neeg tsim muaj ntau heev. Nws tuaj yeem muaj kev phom sij rau koj kev noj qab haus huv nyob rau qib qis thiab nws yuav sib sau nyob rau koj lub cev txhua lub sij hawm. Tau siv nws los tshaj 50 xyoo lawm thiab nws muaj nyob hauv tej khoom noj khoom haus txhua hnub.

Hom tshuaj no nws tsis pawv mus yooj yim thiab ziag no muaj ntau nyob rau ntawm tej chaw peb nyob. Qhov tseem ceeb tshaj plaws yog nyob nrug kom deb kom tiv thaiv tau koj lub cev tsis pub raug.

PFAS tuaj yeem muaj kev cuam tshuam rau kuv txoj kev noj qab haus huv li cas?

Xws li txhua leej yeej muaj kev rau hom tshuaj PFAS tag nrho. Tsis yog tias txhua hom PFAS nws yuav nyob ua ke hauv koj lub cev ib lub sij hawm los sis zoo ib yam. Yuav tsum tau muaj kev tshawb fawb ntxiv yog xav paub ntau txog tias qib twg ntawm PFAS ua rau muaj kev cuam tshuam rau kev noj qab haus huv.

Kev tshawb fawb tam sim no qhia tau hais tias kev tau raug PFAS tuaj yeem ua rau:

Muaj tus mob Thyroid thiab lub cev ua hauj lwm tsis zoo
Roj cholesterol siab
Qog noj ntshav ntawm mis
Kev haum ntawm cov tshuaj tiv thaiv rau koj lub cev nws poob qis
Mob siab
Mob raum
Tus cev xeeb tub muaj ntshav siab
Kev loj ntawm tus me nyuam hauv plab loj qeeb
Mob txoj hnyuv laus
Muaj qog noj ntshav ntawm hlab zis

Kuv yuav raug PFAS tau li cas?

Xws li txhua tus neeg yeej raug rau cov PFAS los ntawm tej chaw nyob los sis kev siv tej khoom muaj PFAS. Feem ntau qhov kev raug tshwm sim thaum koj noj los sis haus. Tsis yooj yim zam tau qee qhov raug rau PFAS tau. Kev chwv raug rau PFAS:

Kev haus cov dej paj pas los sis dej ntiag tug uas tsis huv hauv nroog
Kev noj cov zaub mov uas cog los sis loj hlob nyob ze cov chaw uas siv los sis ua PFAS
Noj ntses uas ntes tau los ntawm tej dej uas muaj tej khoom qias neeg PFAS
Kev nqos tau tej paug av los sis hmoov av uas muaj cov kuab PFAS
Kev noj zaub mov uas ntim nyob rau hauv cov khoom uas muaj cov kuab PFAS
Kev haus tej dej seem los sis plua plav uas muaj cov kuab PFAS yeem tsis faj txog xws li cov ntaub pua plag thiab cov khaub ncaws tiv thaiv dej tau.

Kuv yuav txo tau kuv qhov chwv raug rau PFAS li cas?

Nws yog ib qho nyuaj kom tsis txhob chwv raug rau cov qib qis ntawm PFAS. Txo los sis txwv txhob chwv raug yog tias ua tau, haus dej thiab zaub mov yog qhov tseem ceeb tshaj plaws. Tib neeg lub cev tuaj yeem tawm tsam PFAS tau hauv ib ncua sij hawm. Kwv txwv tsis pub chwv raug tuaj yeem txo tau qib ntawm PFAS hauv koj lub nrog cev.

Tso kom pom tag nrho

Dej Haus

Paub tias muaj PFAS nyob hauv koj cov dej ntau npaum li cas los sis lim koj cov dej nrog cov lim uas tau txais ntawv tso cai NSF/ANSI. Cov tuam txhab saib xyuas dej siv yuav ua kev kuaj PFAS thiab koj tuaj yeem tiv tauj lawv txhawm rau thov cov txiaj ntsig kuaj tau.
Yog tias koj siv cov qhov dej ntiag tug, yuav tsum tau kuaj ntsuas koj cov dej thiab lim dej yog tias xav tau los txwv koj qhov kev yuav raug.
- Kawm paub ntau ntxiv seb yuav ua li cas kuaj koj lub qhov dej txog PFAS.
Kawm paub txog peb cov dej haus hauv zos.

Koom noj

Ua raws Lub Cheeb Tsam Nroog Dane cov ntawv qhia kev noj ntses.
Noj kom tsawg los sis tsis noj cov khoom noj ua sai, pob kws ci hauv tshuab hluav taws xob, thiab cov khoom txias.
Siv kom tsawg los sis txwv siv koj cov khoom ua noj haus uas muaj cov tshuaj lo kom ub no txhob nplaum. Hlau dawb los sis hlau tsis xeb yog txoj kev xaiv zoo tshaj plaws uas tsis muaj PFAS.
- Cim Tseg: Cov cuab yeej siv ua noj uas tsis muaj PFOA thiab PFOS tsis tau txhais tias yuav tsis muaj PFAS! PFOA thiab PFOS yog ob yam tshuaj khes mis PFAS qub. Hauv cov cuab yeej siv ua noj uas tsis muaj PFOA thiab PFOS, tej zaum yuav muaj cov PFAS tshiab uas tseem tuaj yeem ua rau muaj kev phom sij rau kev noj qab haus huv.
Ntxuav txiv hmab txiv ntoo, zaub, thiab ob txhais tes kom huv si ua ntej noj.

Kev siv sij hawm nyob rau ntawm cov dej peb cheeb tsam

Ntxuav ob txhais tes huv si ua ntej noj yog tias koj mus tuav tau hmoov ntxhua khaub ncaws los sis kov pas dej, dej kwj ha, thiab dej ntws.
Txwv koj tus kheej thiab koj cov tsiaj tsis lam haus tej dej ntawm tej pas dej, dej kwj ha, thiab dej ntws.
Ntxuav los sis da dej kom huv si tom qab koj tawm hauv pas dej, dej kwj ha, thiab dej ntws. Muab tej tsiaj ntxuav da dej ib yam nkaus.

Hauv koj tsev

Xaiv cov rooj tog thiab ntaub pua plag uas tsis tau sau qhia tias "tiv thaiv tau tej khoom qias neeg," thiab tsis txhob siv cov tshuaj pleev tiv thaiv kab mob rau cov khoom.
Tsis txhob siv cov khoom uas muaj lo lus lo qhia tias "fluoro" thiab "perfluoro" nyob rau ntawm daim ntawv lo.
Nquag nqus cov plua plav txhawm rau khaws cov plua plav. PFAS tuaj yeem tso tawm los ntawm tej khoom thiab nyob hauv cov plua plav hauv tsev.
Hloov los sis muab tej khoom qub pov tseg hloov dua cov tshiab, uas tsis muaj PFAS.