Kev Qhia Cov Ntses
Kev noj ntses kuj yog ib qhov qab, pheej yig, thiab pluag noj muaj txiaj ntsim zoo. Tab sis kev noj tej hom ntses kuj ho phom sij heev vim nws muaj tshuaj mercury, PCBs, thiab PFAS.
Cov neeg nram qab no muaj qhov ua tau muaj mob siab tshaj plaws los ntawm cov tshuaj khes mis no.
- Cov me nyuam yau qis dua 15 xyoo
- Cov neeg cev xeeb tub (thiab cov me nyuam lawv muaj hauv plab)
- Cov neeg cev kuj tseem yuav xeeb tub
- Cov neeg pub niam mis
Tshuaj PFAS hauv ntses thiab muaj kev cuam tshuam rau koj kev noj qab haus huv
Raug tshuaj rau koj lub cev
Tshuaj PFAS ua tau teeb meem kev loj hlob rau me nyuam. Nws ua tau rau koj nce muaj kev pheej hmoo:
- Qee yam kab mob qog noj ntshav: Lub mis, lub raum, thiab noob qes
- Kev puas tsuaj rau lub nruab nrog cev: Cov kab mob thyroid thiab ua rau thooj thyroid ua hauj lwm tsis tau zoo, muaj kev puas tsuaj rau lub siab, thiab kev puas tsuaj rau koj lub plab zom mov (txoj hnyuv loj to)
- Teeb meem rau cev xeeb tub thiab yug me nyuam: Ntshav siab nce siab uas tshwm sim los ntawm cev xeeb tub, ua rau tus me nyuam mos thiab nws kev loj hlob qeeb
- Lwm yam mob raws los rau lub cev: Cov roj (cholesterol) siab, cov tshuaj txhaj tsis tshua siv tau
Tshuaj PFAS hauv ntses
- Cov ntses panfish (white bass, bluegill, thiab crappie) yog cov muaj tshuaj PFAS siab tshaj plaws.
- Tshuaj PFAS muaj ntau zus hauv tus ntses, tab sis tsis muaj qhov qhia rau pom tias nws muaj nyob rau qhov twg.
- Tshuaj PFAS yuav nyob tau hauv koj lub cev mus ntau xyoo. Koj yim noj ntses uas muaj tshuaj PFAS ntau npaum li cas, ces yim yuav ua rau muaj mob nce siab zus tuaj rau koj.
Peb tsis paub ib qhov kev npaj ua los sis ua ntses noj kom txo tau koj qhov raug tshuaj PFAS.
Kawm paub ntau ntxiv txog PFAS hauv Cheeb Tsam Nroog Dane ntawm peb daim yeeb yaj kiab hauv qab no.
Raug tshuaj mercury rau koj lub cev
- Mercury cuam tshuam rau lub paj hlwb. Nws tuaj yeem ua rau tus me nyuam lub hlwb puas thaum nws tab tom loj hlob. Nws tuaj yeem cuam tshuam rau tus me nyuam tus cwj pwm thiab kev muaj peev xwm hauv kev kawm tau.
- Rau cov neeg laus, tshuaj mercury tuaj yeem ua tau rau tes taw txhav, tsis pom kev zoo, tsis hnov lus zoo, hais lus tsis tau zoo. Nws kuj yuav nce qhov ua rau mob plawv rau cov txiv neej.
- Tag nrho ntses yuav muaj qee cov tshuaj mercury nyob nrog me ntsis. Nws yuav nyob nrog hauv txhua seem ntawm tus ntses, suav nrog seem uas koj noj nrog thiab.
- Koj yuav tshem tawm tau tshuaj mercury hauv koj lub cev li ntawm ob peb lub lim tiam. Kev ncua koj pluag noj kom ntev pab txo tau cov tshuaj mercury hauv koj lub cev.
Raug tshuaj PCB’s rau koj lub cev
- Cov poj niam cev xeeb tub uas noj ntses ntau uas muaj PCBs tej zaum yuav ua rau tus me nyuam yug los tsis muaj ceeb thawj li. Lawv cov me nyuam mos yuav muaj kev loj hlob qeeb rau lub cev thiab kev kawm.
- PCBs tuaj yeem ua rau tsis muaj me nyuam tau, ua rau koj lub cev tsis tuaj yeem tiv thaiv kab mob tau, thiab tuaj yeem ua rau mob qog noj ntshav tau.
Feem ntau lawm cov ntses me thiab cov ntses hnub nyoog me yuav muaj cov PCBs tsawg. Yuav mus xyaw nrog cov roj. Cov ntses carp thiab ntses catfish, uas yog cov ntses muaj roj ntau tej zaum yuav muaj cov PCB ntau dua.
Koj tuaj yeem txo cov PCBs hauv cov ntses tau los ntawm:
- Kev laws daim tawv ntses tawm
- Txiav qhov muaj roj tawm
- Kev ua noj kom ua rau cov roj ntws tawm kom tag (xws li ci los sis txhiab)
PCBs yuav nyob hauv koj lub cev mus sij hawm ntev. Txhua zaus koj noj ntses uas muaj PCBs tag nrho cov kuab yuav mus ntxiv rau hauv koj lub cev.
Ua Raws Qhov Kev Qhia Noj Ntses Zoo
Ua raws cov kev qhia no kom txo tau koj qhov raug tshuaj mercury, PCBs, thiab PFAS hauv cov ntses. Cov kev qhia no tsis siv rau tsev noj mov los sis cov khw-yuav ntses.
Wisconsin cov dej feem ntau
| Kev Qhia Ntses | Rau cov me nyuam yaus qis dua 15, cov poj niam hnub nyoog tseem yuav xeeb tub | Rau cov txiv neej, cov poj niam hnub nyoog tsis xeeb tub lawm |
|---|---|---|
| Noj ntau li cas los tau | Cov Ntses: Bluegill, Crappie, Yellow Perch, Sunfish, Bullhead, Inland Trout | |
| Noj tau 1 pluag ib asthiv | Cov Ntses: Bluegill, Crappie, Yellow Perch, Sunfish, Bullhead, Inland trout | Cov Ntses: Walleye, Pike, Bass, Catfish, tag nrho lwm hom ntses |
| Noj tau 1 pluag ib hli | Cov Ntses: Walleye, Pike, Bass, Catfish, tag nrho lwm hom ntses | Ntses Musky |
| Tsis txhob noj | Ntses Musky |
Tshuaj PCBs
| Kev Qhia Ntses | Rau txhua tus |
|---|---|
| Tus Kwj Deg Badfish Creek & Oregon Branch ntws ntawm Schneider Road mus | Ntses Pam Nais – 1 pluag ib hlis Tag nrho lwm hom ntses – saib qhov qhia saum toj no |
| Pas Dej Lake Wingra | Ntses Pam Nais – li 1 pluag ib hlis Tag nrho lwm hom ntses – saib qhov qhia saum toj no |
| Pas Dej Monona | Ntses Pam Nais – li 1 pluag ib hlis, cov loj me los tau |
Tshuaj PFAS
Ntawm tus dej Yahara ntsws mus sib tshuam rau cov paj dej, xam yog Wingra Creek, Lake Monona, Starkweather Creek, Lake Waubesa, Sab qaum thiab Sab Qab Paj Dej Mud Lake, Lake Kegonsa, thiab tus dej Yahara River ntsws mus rau tus dej Rock River
| Kev Qhia Ntses rau txhua tus | Li 1 pluag tauj ib asthiv | Li 1 pluag tauj ib hlis |
|---|---|---|
| Ntses Bluegill | Cov loj me los tau | |
| Ntses Crappie | Cov loj me los tau | |
| Ntses Largemouth bass | Cov loj me los tau es | |
| Ntses Northern pike | Cov loj me los tau | |
| Ntses Pumpkinseed | Cov loj me los tau | |
| Ntses Walleye | Cov loj me los tau | |
| Ntses Yellow perch | Cov loj me los tau |
