Kuaj Kab Mob COVID-19 (Testing for COVID-19)
Kev Kuaj Kabmob Pub Dawb Rau Zej Zos Rau Txhua Tus Neeg Uas Muaj Tsib Xyoos Rov Saud
Kuaj kabmob yeej qhib pub dawb rau txhua tus neeg uas muaj 5 xyoos rov saud, nrog rau cov lus pom zoo nram no (saib hauv qab). Txhua tus neeg uas muaj 5-17 xyoos yuav tsum tau nrog niam txiv lossis tus neeg saib xyuas tso cai muab kev pom zoo rau kev kuaj kabmob COVID-19. Yog tias koj kuaj tau kabmob tim koj tus kws khomob, peb xav kom koj ua li ntawd.
Peb pom zoo kuaj kabmob rau:
- Cov neeg uas tau nyob ze (tshaj 6 taw thiab ntev li 15 feeb) ib tus neeg uas kuaj pom tias lawv tau tus kabmob COVID-19.
- Cov neeg muaj COVID-19 cov tsos mob.
- Cov neeg uas tau ntsib thiab nyob ze coob tus tibneeg (piv txwv li, cov neeg uas ua haujlwm hauv khw muag khoom noj).
- Cov neeg ua haujlwm pab cov neeg uas muaj mob (piv txwv li, cov neeg ua haujlwm kho mob, cov neeg ua haujlwm nrog cov neeg uas raug kaw, cov neeg ua haujlwm hauv cov chaw tu neeg muaj mob).
Peb tsis pom zoo kuaj kabmob rau:
- Cov neeg uas npaj yuav koom kev sib sau ua ke thiab "xav kuaj kom lawv paub tias lawv nyob zoo." Kev ntsuas tsuas yog qhia rau koj yog tias koj muaj COVID hnub uas koj tuaj kuaj xwb. Yog tias koj kuaj tau tias koj tsis tau tus kabmob, nws tsis txhais tau tias zoo rau koj mus nrog lwm tus uasi uake.
- Cov neeg uas mus ntsuas ntau zaus. Peb tsis pom zoo koj tuaj ntsuas ntau zaus vim koj xav paub seb koj puas tau tus kabmob. Qhov kev ntsuam no tus nqi yog $100 rau txhua tus neeg ua kuaj thiab peb cov cuab yeej kuaj kabmob tshua tsawg lawm xwb.
Peb kuaj tsis tau:
- Cov neeg uas tuaj hno koob txhaj tshuaj tiv thaiv khaub thuas nov (flu shot) rau tim Alliant Energy Tsev. Tsuas pub kuaj kabmob yog tias koj tsis hnov koob hnub uas koj tuaj kuaj kab mob xwb.
- Menyuam yaus uas yog tsim xyoo rov hauv.
- Cov neeg uas muaj 18 xyoo rov hauv yog tias lawv tsis tuaj nrog lawv niam thiam txiv lossis tus neeg uas tso cai saib lawv.
Muaj ntau Txoj Kev Xaiv rau kuaj kabmob COVID-19 nyob hauv Cheeb Tsam Dane
Koj tus kwv khomob
Yog tias koj muaj insurance kho mob, peb xav kom koj hu koj tus kws kho khomob seb lawv puas pub koj kuaj tim ua ntej.
Alliant Energy Center
Lub chaw kuaj mob hauv zej zog no qhib hnub Monday txog Saturday rau cov neeg hnub nyoog 5 xyoos rov saud. Saib ntawm no rau cov lus qhia ntxiv.
UW-Madison
UW-Madison muaj kev kuaj kabmob nyob hauv tsev kawm ntawv rau cov tub ntxhais kawm thiab cov neeg ua haujlwm rau tsev kawm ntawv UW-Madison.
Madison Sab Qab Teb Kuaj Kabmob Rau Zej Zos
Lub chaw kuaj mob hauv zej zog no yog qhib rau Hnub Monday, Wednesday, thiab Hnub Friday rau cov neeg hnub nyoog 5 xyoos rov saud. Saib ntawm no rau cov lus qhia ntxiv.
Kuaj Ntawm Cov Chaw Los Ntawm Zej Zos Kev Pabcuam Kuaj Kabmob
Qee cov koomhuam uas pab zej zog yeej muaj cov chaw kuaj hauv zej zog tabsis lawv tsuas qhib ib hnub lossis ob hnub xwb thiab lawv tsa hauv cov thaj chaw ze kom ua rau kev kuaj yoojyim thiab nyob ze pej xeem.
Alliant Energy Center
Alliant Energy Center: 1919 Alliant Energy Center Way, Madison, WI 53713.
Sijhawm Qhib Pib Thaum Lub Kaum Hlis Ntuj, Vas Thij 5 (October 5)
- Chaw kuaj yuav tsis qhib hnub Sundays thiab Mondays thiab tsis qhib hnub Monday Lub Kaum Hlis Ntuj, Vas Thij 5.
- Tuesdays thiab Thursdays thaum 12:00pm txog 8:00pm
- Wednesdays, Fridays, thiab Saturdays thaum 8:00am txog 4:00pm
- Yog tias cov kab thiab cov chaw nres tsheb puv tagnhro lawm, cov rooj vag yuav kaw ua ntej lub sijhawm teem tseg kom txhua tus thiaj li kuaj tau thaum lub sijhawm lawv tuaj.
- Chaw kuaj yuav qhib mus txog thaum, qhov tsawg kawg, Lub Kaum Ob Hlis Ntuj, Vas Thij 30.
Yog tias dhau 5 hnub txij li koj tau tuaj kuaj rau tim Alliant Energy Center thiab koj tsis tau txais koj cov ntsiab, hu rau Wisconsin COVID-19 Chaw Qhiab Ntsiab (866) 419-6988.
Yog Tias Koj Cuv Tau Npe Ua Ntej, Thov Cuv Npe Ua Ntej Koj Tuaj
Peb xav kom koj cuv npe ua ntej ze lub sijhawm ua koj tuaj vim peb xav tau cov qauv uas yog lub sijhawm uas ze tshaj rau koj cov tsos mob rau lub sijhawm koj kuaj. Tom qab koj tau cuv npe ua ntej, koj yuav tau txais ib daim QR lej (nws yog ib daim duab uas muaj cov nqi qhia hais tias yog koj). Koj yeej cuv tau npe hauv computer tim tsev thiab luam koj tus QR lej ua ntej koj tuaj (yog koj luam tim tsev koj yuavtsum nqa nrog koj) lossis koj yeej cuv tau npe ua ntej ntawm koj lub xov tooj thiab muab koj daim QR lej rau peb pom thaum koj tuaj txog.
-
Thov ua raws li cov lus qhia ntawm daim ntawv qhia no. Yog tias koj tsis cuv npe online, yeej pub koj kuaj kabmob. Thaum koj tuaj txog, ib tug neeg ua haujlwm tim chaw kuaj kabmob mam li cuv koj, tabsis yuav sim sijhawm ib nyuag ntev zog. Daim ntawv no qhia cov lus nug thaum koj cuv npe ua ntej.
- Yog tias koj tuaj nrog ntau tus neeg hauv koj tsev, txhua tus neeg uas tuaj yuav tsum cuv npe. Koj yeej siv tau tib tug email rau ntau tus neeg. Koj yuav tau txais cov email ua muaj daim QR lej rau txhua tus neeg uas cuv npe.
- Koj tsuas yog yuav tsum sau npe online ib zaug xwb. Yog tias koj tau kuaj dua, koj tsis tas yuav cuv npe online ntxiv. Koj yeej rov siv koj daim QR lej rau txhua zaum uas koj tuaj kuaj. Yog tias koj tsis muaj koj daim QR lej nrog koj, cov neeg ua haujlwm mam li nug koj lub npe, email, chaw nyob, thiab hnub yug.
- Peb yuav nug koj lub npe, hnub yug, chaw nyob, xov tooj, haiv neeg, hom neeg, thiab tub los ntxhais. Peb nug koj haiv neeg, thiab koj yog poj niam los txiv neej rau qhov peb xav txheeb xyuas cov kev cuam tshuam.
Cov Lus Qhia Txog Kev Kuaj rau tim Alliant Energy Center
- Tsis tas teem sibhawj ua ntej
- Pub dawb
- Koj tsis tas yuav muaj daim ntawv qhia npe, thiab peb yuav tsis nug koj seb koj puas tau xa xaj uas Mekas los tsis tau.
- Muaj neeg txhais lus Hmoob thiab Mev.
- Koj tsis tas yuav nyob rau hauv Cheeb Tsam Dane.
- Thaum kuaj lawv yuav muab ib tug pas rwb ntxig rau koj lub qhov ntswg li 1 nti tob ntev. Nco ntsoov hais tias koj cov qauv tsuas qhia peb paub seb koj puas muaj tus kabmob rau tamsim no xwb, nws tsis qhia seb koj puas tau tus kabmob yav tas los.
Kev Tuaj Kuaj
-
Tsav tsheb, caij tsheb kauj vab, lossis taug kev tuaj kuaj los tau
- Yog tias koj tsav tsheb tuaj, koj siv tsis tau txoj kab rau neeg taug kev tuaj. Txoj kab yog siv rau cov neeg uas taug kev tuaj thiab caij tsheb kauj vab xwb rau tim Alliant Energy Center xwb.
- Yeej pub kuaj tagnhrov cov neeg uas nrog koj tuaj hauv tsheb.
- Yog koj xav tau kev pabcuam caij tsheb dawb, thov hu rau Pej Xeem Kev Noj Qab Haus Huv Kev Pabcuam Thauj Neeg tus Xov Tooj ntawm (608) 243-0420. Ib tug neeg ua haujlwm tim chaw thauj neeg mam li hu koj teem sijhawm thauj koj. Thaum siv qhov kev pabcuam no, koj yuavtsum hnav daim ntaub npog ntsejmuag.
- Koj yeej tawm ntawm kab thaum twg los tau. Yog tias koj xav tawm ntawm kab, thov qhia rau cov neeg ua haujlwm paub thiab lawv mam li qhia koj tawm li cas.
Yog tias muaj huab cua phem.
Qhov chaw kuaj no yeej tseem qhib txawm tias muaj cua daj cua dub lossis khaub zeeg cua. Thaum muaj cua daj cua dub ceeb toom peb yuav ncua haujlwm (kaw cov qhov rooj sab nraud) thiab nyob twj ywm qhov chaw uas teem cia kom txog thaum lub sijhawm uas cua daj cua dub dhau lawm thiab nws muaj kev nyab xeeb rov qab ua haujlwm.
Thaum Twg Koj Mam Paub Koj Cov Ntsiab Ntawm Chaw Kuaj tim Alliant Energy Center
Thov cais koj tus kheej thiab txwv nyob ze lwm tus, thaum koj tseem tos koj cov ntsiab
Qhov no tseem ceeb heev, tshwj xeeb yog tias ib tus neeg uas tau tus kab mob tau nyob ze koj, lossis koj tau cov tsos mob ua npaws, hnoos, thiab mob caj pas.
Lawv mam li Hu Xovtooj lossis sau ntawv Email Qhia Koj Paub
Tej zaum yuav siv sijhawj ntev li 3-7 hnub ua haujlwm lossis ntev dua. Peb ua tsis taub kom koj cov ntaub ntawv qhia rawm tshaj 3-7 hnub ua haujlwm.
- Yog tias koj cov qauv qhia tias koj tsis tau tus kabmob: peb mam li xav ib daim ntawv hauv email nrog daim ntawv txuas ntxiv (link) uas qhia koj cov qauv. Daim ntawv txuas ntxiv yuav nug koj lub npe thiab koj hnub yug, thaum koj tso koj lub npe thiab hnub yug tas lawm, koj mam li pom koj cov qauv. Yog hais tias koj tsis qhia peb koj daim email thaum koj tuaj, peb mam li hu xovtooj qhia koj.
- Yog tias koj cov qauv qhia tias koj tau tus kabmob: ib tug neeg ua haujlwm rau tim chaw haujlwm Pej Xeem Kev Noj Qab Haus Huv mam li hu xovtooj rau koj.
Yog tias dhau 5 hnub txij li koj tau tuaj kuaj rau tim Alliant Energy Center thiab koj tsis tau txais koj cov ntsiab, hu rau Wisconsin COVID-19 Chaw Qhiab Ntsiab (866) 419-6988.
Yuavtsum Ceev Faj Zoo
Nco ntsoov tias koj cov ntsiab tsuas qhia koj paub tias koj puas tau tus kab mob tam sim no xwb. Tus kab mob tseem muaj rau hauv peb lub zej zos, thiab kis tau rau koj yav tom ntej. Li ntawm koj yuavtsum ceev faj zoo—nco ntsoov ua raws li cov kev cai qhia pab koj tus kheej kom tus kab mob thiaj tsis kis ntxiv.
Chaw Kuaj Nyob Rau Tim Madison Sab Qab Teb (South) Rau Zej Zog
Village tim Park: Public Health WIC Clinic at 2230 S. Park Street, Madison, WI 53713
- Mondays thiab Fridays, 8:00am – 4:00pm
- Wednesdays, 12:00pm – 8:00pm
- Qhov chaw kuaj no tseem yuav qhib txog rau thaum December 30.
Yog Koj Teem Tau Sijhawm Ua Ntej, Thov Teem Sijhawm
- Teem sijhawm kuaj yog 15 teev rau ib tug neeg kuaj.
- Yog koj xav teem sijhawm, thov hu rau: 608-243-0302 mus teem sijhawm rau koj kuaj.
- Txhua tus neeg ua teem sijhawm yuav tau txais ib daim email (yog tias koj qhia koj tus email) qhia koj paub thaum hnug thiab sijhawm kuaj.
- Cov neeg ua haujlwm teem sijhawm teb tsis tau cov lus nug txog tsos mob lossis muab lus qhia txog kev kho mob.
- Yog tias koj muaj ntau dua ib tus neeg hauv koj tsev neeg xav kuaj:
- Thov sim thiab teem caij ntsib txhua tus neeg hauv yim neeg nyob rau tib lub sijhawm; yuav tso cai tau txog ob tus neeg hauv tsev neeg rau ib lub sijhawm.
- Yog tias koj muaj ntau dua 2 tug neeg hauv tsev neeg, thov teem sijhawm sib law liag (xws li, 12:00 teev tsaus ntuj thiab 12:15 teev tsaus ntuj).
Cov Lus Qhia Txog Kev Kuaj rau tim Madison Sab Qab Teb
- Pub dawb
- Koj tsis tas yuav muaj daim ntawv qhia npe, thiab peb yuav tsis nug koj seb koj puas tau xa xaj uas Mekas los tsis tau.
- Muaj neeg txhais lus Hmoob thiab Mev.
- Koj tsis tas yuav nyob rau hauv Cheeb Tsam Dane.
- Thaum kuaj lawv yuav muab ib tug pas rwb ntxig rau koj lub qhov ntswg li 1 nti tob ntev. Nco ntsoov hais tias koj cov qauv tsuas qhia peb paub seb koj puas muaj tus kabmob rau tamsim no xwb, nws tsis qhia seb koj puas tau tus kabmob yav tas los.
Kev Tuaj Kuaj
- Qhov chaw no tsis yog kuaj rau hauv tsheb. Koj yuavtsum nkag rau hauv lub tsev kuaj.
- Yog koj xav tau kev pabcuam caij tsheb dawb, thov hu rau Pej Xeem Kev Noj Qab Haus Huv Kev Pabcuam Thauj Neeg tus Xov Tooj ntawm (608) 243-0420. Ib tug neeg ua haujlwm tim chaw thauj neeg mam li hu koj teem sijhawm thauj koj. Thaum siv qhov kev pabcuam no, koj yuavtusm hnav daim ntaub npog ntsejmuag.
Thaum Twg Koj Mam Paub Koj Cov Ntsiab Ntawm Qhov Chaw Kuaj tim Madison Sab Qab Teb
Thov cais koj tus kheej thiab txwv nyob ze lwm tus, thaum koj tseem tos koj cov ntsiab
Qhov no tseem ceeb heev, tshwj xeeb yog tias ib tus neeg uas tau tus kab mob tau nyob ze koj, lossis koj tau cov tsos mob ua npaws, hnoos, thiab mob caj pas.
Lawv mam li Hu Xovtooj lossis sau ntawv Email Qhia Koj Paub
- Lawv mam li tiv tauj qhia koj li 3-5 hnub thaum koj tuaj kuaj.
- Yog tias koj cov qauv qhia tias koj tau tus kabmob, ib tug neeg ua haujlwm rau tim chaw haujlwm Pej Xeem Kev Noj Qab Haus Huv mam li hu xovtooj rau koj thiab nug koj:
- Koj cov tsos mob.
- Koj xav tias koj tau tus kabmob COVID-19 qhov twg los.
- Cov neeg koj tau nyob ze, seb lawv puas tau tus kabmob.
- Yog tias koj cov qauv qhia tias koj tsis tau tus kabmob, ib tug neeg ua haujlwm rau tim chaw haujlwm Pej Xeem Kev Noj Qab Haus Huv mam li hu xovtooj lossis xav daim email nrog koj cov qauv qhia koj.
- Yog koj xav tau txais koj cov qauv ntawm email, koj yuavtsum qhia peb koj qhov email thaum tuaj kuaj. Thaum koj cov qauv tiav lawm, peb mam li xav koj cov ntsiab rau ntawm qhov email uas koj muab rau peb thaum koj tuaj kuaj, thaum koj qhib daim email, koj yuavtsum tsim lub npe siv (username) thiab tsim ib qhov lus zai uas koj paub xwb.
- Yog koj xav tau txais koj cov qauv ntawm xovtooj, koj yuavtsum qhia koj lub xovtooj thaum tuaj kuaj. Thaum hu tuaj qhia koj cov ntsiab peb yuav nug koj hnub yug thiaj paub tseeb seb puas yog koj. Yog tias koj tsis teb xovtooj peb yuav tsis qhia koj cov ntsiab rau hauv voicemail thiab peb yuav hu koj rov qab, peb yuav hu koj txij li ob zaug xwb.
- Yog tias koj xav tau daim ntawv qhia koj cov ntsiab, thov sau ntawv email rau peb.
Yuavtsum Ceev Faj Zoo
Nco ntsoov tias koj cov ntsiab tsuas qhia koj paub tias koj puas tau tus kab mob tam sim no xwb. Tus kab mob tseem muaj rau hauv peb lub zej zos, thiab kis tau rau koj yav tom ntej. Li ntawm koj yuavtsum ceev faj zoo—nco ntsoov ua raws li cov kev cai qhia pab koj tus kheej kom tus kab mob thiaj tsis kis ntxiv.